Uncategorized

મોરબીની વાવડી ચોકડી પાસેથી ૧૪ વાછરડા ભરેલા ટ્રક સાથે બે પકડાયા, એક નાશી ગયો

Read Time:1 Minute, 39 Second

મોરબી નજીકના વાવડી ચોકડી પાસે ગઇકાલે ગૌરક્ષકોએ ૧૪ વાછરડા ભરેલા એક ટ્રકને ત્રણ શખ્સોની સાથે પકડ્યો હતો જો કે, એક આરોપી નાશી ગયો અને અને અન્ય બે ને એ ડિવિઝન પોલીસને હવાલે કરીને હાલમાં કાયદેસરની ફરિયાદ નોંધાવવામાં આવી છે જાણવા મળતી વિગતો મુજબ ગાઈકલે વાવડી રોડ ઉપર ગૌરક્ષકો વોચમાં હતા ત્યારે ટ્રક નંબર જી.જે. ૩ ડબલ્યુ ૯૧૦૧ ત્યાથી પસાર થઈ રહયો હતો જેને ગૌરક્ષકોની ટીમે રોક્યો હતો અને આ ટ્રકની તલાશી લેતા તેમાં કુરતાપૂર્વક બાંધેલી હાલતમાં ૧૪ વાછરડાઓ મળી આવ્યા હતા. જેથી ટ્રકમાં બેઠલા ત્રણ શખ્સોની પૂછપરછ કરતા ત્યારે જત મુસા હાજી શાલીમહમદ રહે લખપત વાળો નાસી છૂટ્યો હતો જો કે, ગૌરક્ષકોએ વાછરડા સાથેનો ટ્રક જે મુદ્દામાલની કુલ કિંમત ૫.૨૮ લાખ તેમજ બે આરોપીઓ જયેશભાઇ ભરતભાઇ ચૌહાણ રહે કેશોદ અને મુન્ના અમરશીભાઈ ચાવડા રહે કારેજ, માંગરોળ વાળાને પકડીને એ ડિવિઝન પોલીસ સ્ટેશને સોપયા હતા અને આ અંગે હાલમાં ગૌરક્ષક કમલેશભાઈ ભગવાનભાઇ બોરીચાએ મોરબી એ ડિવિઝનમાં ફરિયાદ નોંધાવી છે જેથી કરીને પોલીસે ગુનો નોંધીને નાશી છૂટેલા આરોપીને પકડવા માટે તજવીજ શરૂ કરેલ છે